Masa ambo dok masukkan N3 ni jam menunjukkan puko 8.54 malam. Waktu Isya' dah lama masuk. Takpa lae satgi masa ambo dok upload gambo, ambo mesti gi semayang dih! Sat jei ambo tulih ni!

Ambo ni dok di kapong.....citaghasa oghang kapong...masakan oghang kapong setail oghang kapong. Apa cita kalu ambo ghoyat kesah di kapong? Haaa....muma kenae dak pokok pisang? Alah! tu pong nak tanya dih?

Tapi..... tu lae...ambo ghasa banyak oghang atawa budak-budak hat tak kenae dah jenih pisang dih? Ada pisang mas, pisang kebatu....haaa. sebuk pisang kebatu setengah oghang panggei pisang abu. Tapi..antagha pisang kebatu ngan pisang abu memang lheing lae.... Pisang kebatu bucu pat (empat), pendek2 dan ghasa dia lemak-lemak gitu. Tapi kalu pisang abu..bucu dia lima, besa dan panjang, ghasa dia sikik masam. Tapi kalu muda, dua2 jenih ni sedap kalu muma wat keghepek!

Pisang mas ngan pisang rastali..sedap kalu makan metah2 gitu. Pisang mas kalu masa mekael, kita masa lemak kuning pong sedap, capo ngan ikan masing kae atawa juga ikan bilih..Fuhhh...mengancam habeh! Tapi dua2 pisang ni kok kalu masak ambo suka jei buat kek pisang kae..apam pisang kae, lepat dan bla..bla...bla.....! Kok Kalu ada semua buleh buat...nak ngan tak nak jei!

Pisang awak pulak, isi dia haloh sangat, tak dak ghasa apa kecuali manih meleting! Buat lepat sedap! cokodok pong buleh gak! Tapi ambo kalu pisang kebatu, kalu masak, ambo suka wat seghawa...capo ngan sagu haluh..sedap sunggoh lae! buat ghogheng pong sedap gak!

Banyak lagi jenih pisang ni, selaing hat ambo dok sebuk di atas nung....cotohnya....pisang padang,pisang baka (hat ni oghang dalam patang pong buleh makan!) pisang naka, pisang tanduk, pisang jaghi boya...... uihhhh banyak sapei tak tesebuk.

Di keliling ghumah ambo tak banyak sangat lae hat ambo dok tanam, dua tiga jenih jei..tu pong hat buleh2 tahan ngan air banjei yang selalu dok melanda ghumah ambo. Tu lae kalu bebudi ngan tanah akan dapat hasei nya. Tak gitu kae?

Kita layan buah pisang ambo di? Ni pisang yang tak cukok tua lagi.....Tapi tu lae pokok pisang ambo belehhh jei. muma tahu dak beleh tu natang penama? Kalu muma nak thu beleh tu ikok KAMUS DEWAN tak beghapa sehat lae!.Mana dak nya dok kena banjei selalu!

Ummmmm! ambo nak gi semayang dulu....esok-esok kita sembang lagi dih!

Daaaaaa!!!