ShareThis

Khamis, 17 Disember 2009

Maal Hijrah

Assalamualaikum.

Esok 1Muharam 1431Hijrah. Tahong baghu bagi suma oghang Islam.
Ambo haghap sangat muma suma dalam sihat dan di berkati oleh Yang Berkuasadi dunia maupun di Akhirat nanti. Apa haba muma haghi nih?

Mengambil berkat sambutan tahong baghu ni, tetu muma masing2 ada azam tersendighi. Yeah...baleyla azam apa pong, harap yang baik2 jugak yang kita akan dapat.

Tetu yang bujang berazam nak menikah, yang dah menikah nak bagi dapat anak dan laing2 lagi la dih? Pada ambo pulak, khor ambo dok tua, khor dok besemangat hidok ambo. Tu...rezeki yang Allah anugerahkan pada ambo. Ambo sokmo dok seghenok, masalah sikik-sikik tu , kalu buleh kita bagi lupa jey. Satu lagi haek ambo nak pesan, kalu kita kegheja dengan oghang, kita kena lae pahaeng oghang, bukaengnya oghang kena pahaeng kita.

Selalu hidok kita nih ada telebih tekughang, dengan klorga kae, dengaeng adik kakak kae, dengaeng soami kita kae. Baley ke dema lae dih!Mak ambo selalu pesaeng kaek ambo, baley lae beghalah pong bukannya kalah! Beto lae kalu ambo pikey kelek!

Sempena tahong baghu kita ni, buang lae haek keghoh, ambik lae haek jegheneh! Adalae gak oghang kata kalu dah keghoh di kulu tetu keghor di kiley (hilir). Loni kan zaman IT, kita sekat, kita suling lae ai(air) haek di kulu (hulu) tu, tetu ai haek di kiley jeghenih. Beto dak?

Apa-apa pong, kita tutok buku lama, kita bukak buku baghu yang putih begheseh (bersih), kalu ada yang teghusek hati kae, kecik hati kae, luka hati kae, maaf-maaf la di!

Selamat Tahun Baru 1431 - harap kalian semua bahagia dan dimurahkan rezeki yang halal serta dijauhkan dari beban hutang.
okey jumpa lagi bila-bila masa. Assalamualaikum

Ahad, 13 Disember 2009

Makaeng Anging.....

Assalamualaikum.

Bejupa kita di haghi mingung ni. Pagi ni ambo tak gi motong, jadi ambo dok di ghumah jey lae. Anak ambo haek soghang dah bakik tido haek soghang dok mengheloh lae lagi. Coti sekolah deh, ambo bagi lae kebebasaeng sikik. Tu pong ambo pastikan dema bakik semayang suboh dulu!

Ambo bukak poghong Batu Kurau kapongku, senyaek sunying jey loni. Agaknya dema pakat bawak anak bini gi coti kok. Makaeng anging kae, gi balik kapong kae, gi makaeng kenoghi kae. Tu lae zamaeng loni, kalu coti sekolah, mak pak pong kena coti gak paksal sepanjang masa dok kegheja, anak-anak dok sebok gi sekolah, beduek pulak tu!

Ambo tak gi mana-mana pong. Dok lae bekulaek di kapong ni gak. Nak balik kapong pak metua pong, dekaek jey, Kapong Ghepoh! Dok gi maghi gi maghi selalu dah. Nak gi mana hae?


Ooooo..... haghi ni ambo ingaek nak bawak anak ambo gi kok Tepeng dah lae. Masok Muziung, masok zoo dah lae, patok padaeng lae dengaeng duek haek dok ada nih! Anak ambo tak banyak songeh sangaek, janying gi mana-mana, konong-konong makaeng anging lae gak.... heh...heh...heh....!

Haghi ni pulak adak dua kenoghi, satu di Teratak Afrina haek satu lagi di Kapong Ghepoh. Napak gaya nya kena gi dua-dua tu. Maklong lae Ya Qatzial Hajat, tak bheik kalu kita tak gi, makaeng tak beghapa sangat, yang utamanya, gi merai tuan ghumah, esok-esok kita pulak nak wat kenoghi. Beto dak?

Bab gi ke zoo tu petang sikik pong buleh. Ambo pong suka gi zoo, cumanya kho dok tua ni tak beghapa ghok nak bejalaeng kaki, luaeh sangat kawasaeng zoo tu. Kalu tak meronda habih, ghugi pulak ghasanya, paksae bukaeng selalu kita masok pong.

Tepaek haek paling ambo suka,muma nak tahu di mana? Tu lae ghumah bughong! Hui..... tenang dan sangat menghibokaeng hati ambo. Siulang bughong tu yang wat ambo kagong (kagum) tu. Ambo ghasa tu lae muzik haek paling hebaek di dunia ni. Tu ambo ghasa. Soami ambo pong suka tepaek tu. Anak-anak ambo batei jey kok mana pong, seghenok jey.... budak-budak!
Dema bukaengnya tahu mak pak sengkek kae dak!

Walo (walau) apapong, sebelong tu kena masuk muziung dulu, muziung tutuk puko 5, kalu tak silaek ambo, bukaeng thu sangat ambo ni, maklong lae gi Tepeng sekali sekala...heh...heh...heh..!
Anak ambo tegedik-gedik nak gi muziung, abah dia kata, nak gi wat pa la kaek muziung tu, bukaeng nya ada apa, takaek keghaka (kerangka) hidok adalae! Maghah lae anak ambo, haek dia suka abah dia pelece!

Tu lae dih, keghenah anak-anak! Tu baghu dua, kalu ghame lagu mana lae dih. Dua oghang pong ghioh ghemang ghumah, mujo ghumah ambo jaoh daghi ghumah oghang, ya lae, mana tanah mu, mu buaek lae ghumah....kapong deh!

Opps... ambo begheti di sini lae dulu dih, nak gi ke dapo, nak beseghok sat. Satgi kita bukak cong lagi dih! Assalamualaikum. Moga muma sehaek sokmo lae!



Khamis, 3 Disember 2009

Tam


Assalamualaikum.

Apa haba suma? Keghana ghindu haek tak mboh hilang-hilang lagi, kita bejupa lagi loni. Ambo haghaek sangat muma suma dalam kesehataeng yang baik dih!Nih ambo nak ghoyaek kesah ambo baghu-baghu ni.....


Kemagheng, ambo bawak dia ni gi ke klenek di Tepeng. Haek dok mengiring dia ni tu lae soami ambo dengan dua anak ambo. Takok klenek tutuk, soami ambo pedeghaeh laju lae kegheta bughok ambo tu. Kesian dia ni, dah pat haghi tak makaeng. Asek dok tido jey. Minung pong kughang dah!Bila ambo tengok, tapak kaki dah pucat lesi, mulok pong dah kuning, ambo makeng bimbang, makeng ghiso!

Sapey jey teghuh ambo cepung 'dia' masok klenek. Lega paksae klenek tak tutok lagi. Pembantu di klenek tungung depaeng pitu, sokghang hinung, Walopong dah tua, tapi dengaeng senyung, dia panggey ambo masok. Ambo cepung "dia ni" masok kelenek.

Masok ke bilik rawatan, anak ambo tolong gi daftar di kaunter. Sokghang doktor maghi kat ambo. Hinung jugak! ambo bekata dalaeng ambo punya hati. Apa sakit? Doktor tanya ambo. Tak tahu lae dokto ooo! ambo jawaek. Agaknya sakit hati kok! Ambo jawaek lagi. Berapa umo? Dokto tu dok tanya lagi. Setahong 3 bulaeng. Ambo jawaek penuh yakeng. Napak "dia ni" kho dok pejaeng mata ghenik jey. Ghisonya ambo!

Dokto usaek badaeng dia ni. Apa nama? Dokto senyung tengok ambo. Laju ambo jawaek. Tam!
ambo senyung, dokto pong balaeh senyung ambo. Tak dak apa, dia mungkin silap makan, dia makan makanan beracun! Laju dokto kata. Dia punya hati sakit! Dokto meneghangkan lagi pada ambo.Ambo sedih. Ghasanya ambo cukok jaga makaeng dia. Apa warna dia punya kencing? Dokto tanya lagi. Ohhhh... saya tak sempat nak tengok la doktor! Ambo jawaeb malu. Malu paksae ambo tak ambik beghaek sakit 'dia ni'.

Saya kasi cucok sama dia. Lagi saya kasi ubat bagi minum satu hari tiga kali. Dia tak dak apa. Jangan risau. Nanti kalau tak baik juga bawak datang sama saya ok! Doktor ramah bercerita.
Ambo hanggok kepala.

Senang saja dokto tu cocok badan dia ni. Aku lega dia tak menggelepa. Nasik baik! Balik jey, dalaeng kegheta, dia dah buleh pangung kepala, bila ambo panggey jey, dah ada respong. Hui.... ghasi jugak dokto hinung ni. Balik ambo bagi ubat, jenis cecair. Petang dah nak makan, anak ambo bagi ikaeng seko. Ada prestasi tu. Kho dok lega dah tu. Ambo pong ghasa lega. Baley lae teghebang RM 30.00 pong janying Tam sehaek. Kad rawatan haek dokto bagi ambo sipaeng elok-elok.

Muma nak tahu dak sapa yang sangat istimewa dalam klorga ambo tu? Tu lae Tam, kucing kesayangan kami suma. Tam seeko kucing terbuang, kecik lagi dah di buang oghang, anak ambo kelek daghi pegheksa UPKK jupa di tengah jalaeng. Mujo tak tepoh dengan kegheta kae, mutu kae. Dengaeng reeki Tam, dan anugerah daghi Allah, anak ambo dapaek 8A dalaeng peperiksaan UPKK nya.






Selasa, 1 Disember 2009

Tahniah Siti Hajar Nur

Assamualaikum.

Tanggae 19 November 2009 - Khamis - Haghi Anugerah Cemerlang SK Sri Kurau.

Tu lae haghi haek mana mak bapak yang anak-anak dema ambik UPSR dok tungung-tungung.
Ni lae haghi haek ambo dok tungung dengaen ghasa bedeba. Tu belong lagi anak nak ambik pegheksa besa.

Haghi ni lae juga anak ambo Abdullah Aiman dok tengah kyusuk jawaeb soalan Bahasa Inggerih dalam peperiksaan SPMnya.. Adoi..... Beghaeknya ambo tahong ni, paksae dua-dua anak menghadapi pepereksaan. Hanya doa, semangat daeng motivasi diri ambo teghaekkaeng (terapkan) pada anak ambo tuh. Alhamdulillah, Aiman seoghang anak yang baik, ghajeng dan sangat mendenga kata. Hagaek ambo peghange dia akan kekae sapey bila-bila.

Hagi ni ambo gi sekolayh, tungung keputusaeng anak ambo Siti Hajar Nur. Haghaek dia pong dapat keputusan macaeng abang dia dulu - 5A

Lebih kughang puko sepuloh lebih, Gughu Besa pong maghi lae ke sekolah, dengaeng keputusaeng di tangaeng. Hu..... meletok-letok lae ambo punya hati. Alhamdulillah! dah tahu lae aheynya.. anak ambo bejaya lulus dengaeng mendapat 5A. Alhamdulillah, syukur kepada Allah!


Selang semingung, ambo dapaek satu sapo sughaek daghi Kolej Tunku Kursiah, Seremban, panggey anak ambo sughoh gi nak buaek sesi pemilihan. Nak gi lagu mana, sughaek sapey pada 23.11.2009, sesi pemilihan pong pada tarikh yang sama. Mana nak keghobek duek, mana nak teghekong gi, bukaeng nya dekaek, tujoh lapaeng jaeng baghu kok nak sapey. Tak gi lae ambo jawaeknya, ambo pujok lae anak ambo, kok-kok dapaek haek sekolah laing pulak.

Ambo talipong jugak, cakaek dengaeng Pengetua senighi, belio (beliau) kata ni baghu sesi pemilihan, ghamey lae tak gi, ya lae, ghamey haek dok jauh, bukaeng nak buleh gi. Ambo haek bodo ni tanya lae buleh dak tuka sekolah, Pengetua tu kata nama anak ambo dah dok dalaeng senarai kat Kolej Tunku Kursiah. Loni ambo dok tungung jey la. Mitak gak lae MRSM, Dapaek kok dekaek, seghenok lae gak.

Anak ambo kae, tegedik-gedik lae nak masuk asrama, ambo loni tak kesah sangat lae paksae dia selalu juga beghenggang dengaeng ambo. Insyaallah! moga rezeki akan menyebelahi anak-anak kesayangaeng ambo. Tahniah! buah hati mak. Lepaeh ni mak tungung pulak result abang Aiman dengaeng debaraeng yang makeng memucak.

Ambo susuk deba ambo dengaeng senyung! heh....heh....heh!
Assalamualaikum......!


Ghindunya ambo.....!

Alhamdulillah.
Bejupa lagi kita dih! Lama sunggoh lae kita tak bejupa. Ambo punya benda alah ni ada masalah, ambo pong dok sebok manjang, sapey tak daeng nak jengok-jengok muma dih!

Apa haba muma loni. Ambo haghaek muma sehat sokmo lae. Macaeng mana sambutaeng haghi ghaya tahong ni? Selalu pong kalu ghaya haji , tagha kita di sini, maksok ambo di kapong kita di Batu Kugho tak beghapa meghiah sangat lae. Cumanya kalu kita buat korban kae ada lae meghiah sikik, Tapi kok mana pong, di ghumah ambo tetaek lae meghiah, paksae anak-anak penakan buleh kata banyak haek kelek ke sini, ke ghumah ambo.

Mingung-mingung loni, dok kaluk makaeng kenoghi lae. Oghang tu madah kenoghi, oghang ni dok madah kenoghi. Kadang tu satu haghi bedeghek kenoghi. Kalu kuat kae, ghajeng sikik kae, muma jenoh hato kenoghi, ambo paling kuat takat tiga buah buleh lae. Lebih pada tu, pakey leteh hat-hat lae!

Adek beghadek ambo kelek kapong, dema tak loghat mana deh, ambo sedia jey beghaeh banyak-banyak. Caghi ikaeng maseng buat stok di ghumah, cabey mesti ada, ulaeng-ulaeng mesti ada, semua tu lae lauk kami sekelorga. Sedaek nak mapoh kalu dapaek makaeng lagu tu! Ghame-ghame pulak. Hui.... nekmatnya hanya Tuhan yang tahu!

Nih dah sunying kelek lae ghumah ambo. Abang ambo haek dok Joho pong dah kelek Joho lae. Anak dia haek baghu nak masok sekolah derjah satu , katanya ada tuisyeng.... Hui..... juling lae gak butey mata ambo, paksael budak kecik lagu tu pong cuti sekolah di isi dengaeng kelaeh tambahan. Oghang loni dih! masa tu mesti di isi dengan yang berpekdah (berfaedah) jey!

Ambo pong ghasa kagong (kagum) gak, anak dia baghu tadika dah buleh cakaek oghang putih. Membaca pong dah lajak jey. Hui, abang ambo tu jaga sunggoh lae anak dema. Ya lae dih.... sapa tak mboh bagi anak pandey kaeng? anak tu kaeng ke amanah daghi Allah. Beto dak?

Weeei! hujaeng pulak dah. Ambo kalu hujaeng jey mula lae pobia, takok nak ghetok benda alah
nih. Ambo begheti lae dulu dih. Satgi kita bejupa kelek dih. Lama tak begebang, banyak ni haek ambo nak ghoyaek! kih...kih...kih...! Daaaa......

Assalamualaikum


Related Posts Plugin for WordPress, Blogger...