ShareThis

Rabu, 26 Oktober 2011

Tak ghok dehhhhh!




Aluhaiiii! Tak ghok nye ambo haghi niiiii!

ehhh! lupa pulak nak bagi salam. Assalamualaikum!
Tak ghok sangat, tu lae sapei lupa nak bagi salam. Haghi cuti lagu ni lae ambo kena bersihkan ghumah ambo. Bukan dalam ghumah nae...lua ghumah, maklong lae dok di kapong lagu tu lae.Pokok-pokok banyak, muma tetu paham, kalu pokok banyak daung pong dok besepah lae...oghang kapong ambo kata semak bedengung! keh..keh...kehhhh!

Hamboi, dok dikapong, satu jei hat seghenok, tak payah susah2 nak exercise...muma tughong jei ke tanah, ambik cako kae, ambik penyapuh kae.... hua....start exercise muma...berpeluh weiii!
Tetu muma akan ghasa ghengan jei, maklong lae lemak-lemak yang tepu di badan cair lae jugak....! wakaka..wakakaaaa!

Tu lae dok di kapong, laman kena luas, pokok kena tanam, nak bagi teduh deyyy! Beto dak hat ambo dok ghoyat nih? Ambo ni kok kalu tanam pokok bunga, bukan tak tanam, tapi tak mboh nye gemok, kughuh keghiding...macam bomi ngan langik kalu nak banding ngan ambo! heh..hehhh...heh...! Apa pong ambo suka dok kapong... tu lae...omo dah nak masuk 51 tahong dah, tapi...ambo ghasa dok sehat lagi! hati di dalam mau hepi bebbb!

Tadi ambo menyapu keliling ghumah..huiiii..letih lae jugak. Tughong daghi puko 9.00 sapey lae ke puko 12.00...tak begheti-gheti. Habih menyapuh, ambo gi tengok pokok-pokok pisang hat soami ngan anak ambo tanam kok keliling ghumah! Beh oooo, tak payah susah-susah nak beli daung pisang kok kalu nak buat nasik lemak kae, lepat kae, tepung bukuh kae...bla...bla..bla....!

Pokok kunyik ambo pong baghu nak tumboh kelik, dok banjey jey di ghumah ambo, pokok kunyik habih mapoh! Pokok ubi kayu ambo pong napak sega-sega jey! Wei! muma nak tahu, loni di kapong, ubi kayu pong ghega tujoh kupang ooo! Dulu masa arwah mak ambo tanam dulu di tahong2 80an dan 90an, dema maghi mitak, mak ambo bagi pri jey! Loni semuanya kena duek!

Ooooo! pokok lanaeh(nanas) ambo pong dak beghemuk ada anak, huihhh! buleh lae tanam haghi ni! Bukan payah pong, kita tak ghasa penama, tahu-tahu dah berputik, tahu2 dah nak masak!

Tu lae gaya hidok di kapong, kalu tak sesuaiiii! tak leh gak dok kapong, mujo loni ada letrek dah, tu pong puko 9.00 kae puko 10.00 kae dah sunyi senyap dah! tapi di kapong ambo loni keliling kelalang dah pandei dah dema buka kedei makan sapei ke tengah malam. Senang lae juga, kok kalu adik beghadek balik, malas dah nak masak, oda jey lae! Tak gitu?

Ambo ingat lagi, masa tu ambo sekolah ghendah lae, pupu ambo..dok beisa ceghah melahang di ghumah dema, tiba2 balik bermalam di ghumah ambo, nye teghiak meghahang (menangis) sapei ke ceghah...! (sapei siang)
Huiii! payah lae jugak lagu tu dih!

Ughhh! dah puko beghapa dah nih? weiiii dah puko 9.37 malam dah! Buka TV pong tak dak ceghita apapong, dok banyak ceghita hinung jei lae...maklong lae kan haghi ni dema dok ghaya!
Takpa lae dih, ambo stop di sini... nak gi ke dapo sat, nak gi minung aie, dahaga lae pulak!

Jupa lagi!

2 ulasan:

MOBYDICK berkata...

Serupa la denge rumah ambo,banyok pohon kayu,kata ore tua banyak pokok ni boleh buat aba angin(penahan angin) kita pun sihat udara segar masuk..

chumah berkata...

Beto lae tu anak oooo! ambo oghang kapong, kok mana gi pong, stlye oghang kapong lae juga!

Catat Ulasan

Related Posts Plugin for WordPress, Blogger...