Apa haba muma semua? ambo dok ghasa tetu muma semua sehat walafiat dih!

Ambo? heh...heh...hehhhh! macam ni lae kalu ambo kae! Sehat sokmo! Alhamdulillah keghana Allah sentiasa mengurniakan kesihatan yang baik pada ambo dan keluarga ambo nih!

Haghi ni haghi Ahad.Bakik tido pong ghasanya lewat lae sikik. Sokmo ambo dok bakik tido puko 5.oo pagi...tapi kalu hari cuti ni ambo lewatkan sikik...6.30 baghu ambo bakik tido!

Yeaaah! dok di kapong ni, kalu tak tughong ke tanah tak sah lae....lepas jey semayang suboh, loni cepat ceghah....ambo pong teghuh tughong ke tanah...mana lagi kalu tak gi ke gheban ayam ambo! Ayam-ayam ambo tu dah kok kiak-kok kiak hinga nak mapoh! Tak dan-dan dah nak kelua!

Bukak jey pitu gheban, bedesap laghi kelua, gi tungung di bawah pokok moktan, tepat ambo sokmo dok bagi makan ke dema. 'ceh!....Tak dak keghija laing dema ni, bakik tak dak apa nak loghat, tahu nak makan jey!' dalam ambo punya hati tu berkata-kata lae juga!

Dema cukok manja dengan ambo! Sebenarnya ambo sangat sayang ke dema, Amba bela dema bukan untuk nak sembelih...ambo kesian...! Kalu suami ambo semelih....dia buat sendiri lae. ambo tak gamak nak proseh, nak masak kae, apa lagi nak makan. Macam tu lae juga anak2 ambo...dema pong lagu ambo, takkan makan ayam2 tu!

Kadang2 tu bila ambo napak dema moyok (paksal kena penyakik) cepat2 ambo bagi panadol...heh...heh...heh.... kalu ayam ambo yang besa, setengah biji dah cukok...tapi kalu anak kecik bagi suku bijik jey..ghasi muma tahu? Hah..hahh...hah...!

Beysa gak Pak Tam ambo kena langgar, mujo tak mati. Heghok lae paghoh dia.....dua mingung ambo bagi nasik kanji ke dia...suap ngan straw! Tetu muma tak penyaya..tapi kenyataan!

Kalu tengok mata dema kho dok buyuk kok sakik mata..cepat2 ambo boh eye-mo...lega dan-dan! Muma toksah gelak..ni beto ni... tu sebab ayam ambo manja ngan ambo!

Oghang laing takok kat ayam ambo..dema kata lokek nak mapoh...tapi tengok dema buleh makan ditapak tangan ambo!

Tu lae kesayangan ambo..bila ambo tengok gamba-gamba dema ni, ambo gelak soghang-soghang. Suami ambo kata..' Huiii! dengan binatang pong buleh jadi! Nak buat lagu mana, kasih sayang ambo ni melimpah ruah....ayam-ayam tu lae hiburan ambo di masa ambo sunyi!

Dak gitu kawan-kawan?